Та энд байна:

“Southgobi Resources” компани 9.6 сая ам.долларын цэвэр алдагдал хүлээжээ 

Хонгконг болон Торонтогийн Хөрөнгийн биржид бүртгэлтэй “Southgobi Resources” компани энэ оны I улиралд 9.6 сая ам.долларын цэвэр алдагдал хүлээсэн байна. Нэгж хувьцаанд ногдох алдагдлын хэмжээ дөрвөн цент болсон талаар тус компани мэдээллээ. Мөн тайлант хугацаанд 25.3 сая ам.долларын орлого олсон талаараа тайландаа дурджээ. Энэхүү тайлангийн үзүүлэлт гарсны дараа “Southgobi Resources”-ийн хувьцааны ханш 7.7 хувиар буурсан нь дөрөвдүгээр сараас хойших хамгийн өндөр үзүүлэлт болж байна. Тавдугаар сарын 12-ны байдлаар тус компанийн бэлэн мөнгөний үлдэгдэл 1.2 сая ам.доллар болжээ. Цаашид “Southgobi Resources” компани санхүүжилт татахаар зорьж байгаа гэдгийг тайландаа дурдсан байна. “Southgobi Resources” компани Өмнөговь аймгийн нутаг дэвсгэрт орших Овоот Толгой, Заг Сүүж, Сүмбэр зэрэг нүүрсний ордуудын тусгай зөвшөөрлийг 100 хувь эзэмшиж байгаа аж.

 Эх сурвалж: Bloombergtv.mn